Anyarkara
kinarya sesulih
Ngonjukaken kang
pudya astawa
Mugi slamet
sakabehe
Kang pawiyatan
luhur
Ngayubagya kang
ambal warsi
Ing pananggalan
Jawa
Kaping sanganipun
Ing wulan
jumadilawal
Sabda suci kang
wiwaraning panunggil
Alip mangsa
kasanga
Duk manurat ing Respati Manis
Kawi papat gangsal kirang tiga
Minangka atur sulihe
Ping tigang dasa wolu
Pawiyatan luhur sayekti
Kang lagya ambal warsa
Wulan maret ipun
Nggula wenthah pra satriya
Anglahirken sarjana sujaneng budi
Dadya janma utama
Datan kendhat neter
lan anjedhi
Para mudha
panyambung sujarah
Hambeg luhur
bebudene
Pinayungan Hyang
Agung
Sedyanira kang
tanggap warsi
Sajroning
pawiyatan
Samya manggih
hayu
Pra sarjana kang
piguna
Tumprap
pembangunan raharjaning nagri
Tan mungkur ing
bebaya
Andherek mangayu bagya
Pawiyatan luhur lagya mengeti
Yuswa tigang dasa wolu
Mugya antuk raharja
Mahasiswa dadi janma budi luhur
Sembada ingkang sinedya
Ngesthi luhur mbangun nagri
Garwa
nata ing Ngawangga
Hambeg
luhur budaya uga den kanthi
Sarjana
samya misuwur
Kalokeng
sanagara
U
eN eS sasana puruhitanipun
Kehing
kawruh kautaman
Kajiwa
lulusanneki
Kasmaran
gantya winarni
Angajab
mugya widada
Sembada
dadi sedyane
Ingkang
lagya tanggap warsa
Sasana
puruhita
Kaping
tigang dasa wolu
Sami
manggiha raharja
Roning kamal winursita
Ngayu bagya ambal warsi
Mugi antuka raharja
Pinayungan dening gusti
Nggegulang lan anjedhi
Pra sarjana budi luhur
Kanggo mbangun Negara
Nora tumindak korupsi
Pawiyatan luhur U eN eS raharja
Tidak ada komentar:
Posting Komentar